Khuarel chhiatnaa chet dan zir dawn

Khuarel chhiatnaa chet dan zir dawn
Leimin leh tuilian a thlen thulha district huamchhunga chet lak zui leh inruahman dan tur zirlawkna chu November 12 leh 14 khian Mizoram district tinah neih a ni dawn a. District Disaster Management Authority Saitual chu an chairman, bawrhsap Dr Lalngura Tlau kaihhruaiin Thawhtanni khan an lo thlirlawk.
DDMA chairman chuan district level-a mock exercise neih tur chu a hlawhtlin ngei theihnan theihtawp chhuah turin sawrkar department hrang hrangte a chah a. Exercise neih tur hi tunah tangkai angin lang lo mah se, khuarel chhiatna a lo thlen changin a tangkai zia a lang thin tih a sawi a ni.
Mock drill side hi hmun li ah neih tura tih a ni a. Damdawi in, building chim, highway-a leimin leh ramkang a tel dawn a. Hemi atan hian incident commander tur ruat nghal niin, thawkho tur mock drill side hnaih sawrkar department office-te leh YMA Branch-te rin nghal a ni. Landslide atan hian hmun hnih ruahman niin, damdawi ina hliam sawngbawl dan leh ram kang a lo thlena chet lak zirnan Saihmar Tlang ruahman a ni. Mock drill side theuhah hian observer ruat an ni a; police, medical leh Quick Response Team-te an duty ang.
Mock drill neih tur hi National Disaster Management Authority-in live stream-a an lo thlir theih tura pekchhuah tum a ni.