Knockout in Josua a chak

Keinni huna Pathianni zing lam khan boxing-a palian huangah inhnek ngaihven hlawh tak a awm a, O2 Arena-a inhnek hmuhnawm takah Anthony Joshua chuan a khingpui Robert Helenius chu round sarihnaah a knockout a, hnehna lian a chang.
Palian huanga champion hlui Anthony Joshua hian a khingpui Helenius lakah beisei angin bul a tan tha bik lova, a khingpui a hnek fuh tam thei bik lo. Hnekchhuak tam zawk leh hnek fuh ngun zawk bawk mah se na taka hneh fuh a nei hleithei bik lo. Boxer lar Joshua hmachhawn tura inbuatsaihna nei tha lo Helenius hi rin lawk aiin a khel tha a, boxer tha a nihzia a lantir. Inlehthalna lian thlentir thei tur ema beisei ni lo mah se round 12 a din tluan theih a rinawm hman hial.
Inhnek a rei telh telh a, Joshua a chungnung tawlh tawlh. Round sarihna tir lamah Joshua hian fuh zetin one-two a nei a. Hnekna fuhna remchang a insiam ve leh chiang zetin a hnek fuh sia a, a hnek na tak tuar lovin a khingpui Robert Helenius a tlu thlawrh a, thochhuak tur a awm tawh lo. Referee in inhnek a titawp zui a, Anthony Joshua chuan knockout hmangin hnehna an chang zui ta a ni. Joshua hian kum hnih leh a chanve hnuah a vawi khat nan knockout hmangin hnehna a chang ve leh ta nge nge a. Hnehna a chan hnuin boxer lar Deontay Wilder hmachhawn a duh thu a sawi zui nghal bawk.
Chhuak hmasa lamah kan tarlan tawh angin Anthony Joshua hi a elpui lian Dillian Whyte nen inhmachhawn tura tih a ni a. A vawi thumna atana an inhnek hun a thleng dawn tep tihah Whyte hian Drug test a paltlang zo lova, amatuer huanga a lo hneh tawh Joshua a hmachhawn thei lo. Whyte a inlan thei tak loh vangin Robert Helenius hi sawm chuk chuk a ni a. Finland boxer Helenius hian kar khat em pawh inbuatsaihna hun nei lovin