Barcelona leh Spain midfielder hlui Andres Iniesta khan kum 22 chhung teh meuh Barcelona thuam a inbel hnuin kum 2018 khan Vissel Kobe a zawm a, Japanese club tana kum nga a khelh hnuah tun nipui thawt rual hian Kobe a chhuahsan ve leh tawh dawn.
Kum 39 mi hian July ni 1 khian J-League season-ah Japanese club tana a match hnuhnung ber a khel leh zet ang a, Asia ram atangin a inpuchhuak dawn a ni.
Season kal laia Japanese top flight hmahruaitu team tan Iniesta hian game thum chiah la khelin, chu pawh substitute bench atanga lut a ni a; Vissel a chhuahsan tur thu a puan rual hian profe-ssional football chawlh-san nghal lam a sawi ri nghal mai lo a, a hma lamah duhthlan tur engnge la awm tih a thlithlai leh rih phawt dawn tih a la sawi cheu!
Iniesta chuan, “La inkhelh zui zel ka duh a, khelmuala ka la active lai ngeia chawlh hi ka duh a ni. Chu erawh he hmunah chuan ka tan a harsa tlat a, ka hun tawp hmanna tur hmun zawn hmuh ka ngai a ni,” a ti a, Barcelona lam hian phal tak ang maw?!
Vissel tan match 133 khel tling tawhin, Japa-nese club hi kum 2019 khan Japan domestic Emperor’s Cup-ah cham-pion-puiin, a kumlehah Japanese Super Cup a lakpui leh bawk.
Barcelona tana kum 20 chuang a khelh chhung khan senior team tan game 674 khelin trophy pawh 32 zet a lakpui tling.
Kobe chhuahsan tur Iniesta
Get real time updates directly on you device, subscribe now.
Prev Post
Next Post