Kohhran pahnih, Salvation Church of India (Chhandamna Kohhran) leh Fundamental Baptist Church of Mizoram thawhdunnaa hma latu, Joint Committee for Unity ruahman angin October 26 & 27 khan Khawzawl Pastor bial Fundamental Baptist Church of Mizoram (FBCM) tlawh a ni.
Vengthar Kohhran, Vengsang Kohhranah leh FBCM thalaite din Grace Camping Centre-ah hun hman a ni a. Pathian fakna inkhawm neiin, Pathian thuchah ngaihthlak thin a nih bakah kohhran pahnih zaipawl an zai thin a ni.
Grace Camping Centre hi zu leh ruihhlo avanga harsatna tawkte enkawlna hmun a ni a. 2022 October-a hawn niin, tunah enkawl lai 50 an awm mek.
Camping centre enkawltute hnenah SCI hruaiten buhfai bag hnih an pe a. SCI Aizawl Area zaipawlten he Centre rawngbawlna kal zelna atana an thawhkhawm Rs.4200 an hlan bawk.
Joint Committee for Unity ruahman lawk ang chuan, kumin November 16&17 khian Chhandamna Kohhran Kolasib Area tlawh leh a ni ang.
Kohhran pahnih intlawh tawn
Get real time updates directly on you device, subscribe now.