Kolasib district khaw 48 tui connection pe tawh

Kolasib district khaw 48
tui connection pe tawh
Kolasib district-a khaw 48-a in 9038 zing a 8738 chu tui herhhaw theiha thlunzawm tawh an ni a, a dang 301 chu thlunzawm thuai tura hma lak mek a ni.
National Civil Services Day puala Kolasiba hun hmana report danin, Kolasib district-a village council 57 hnuaiah MGNREGS card nei 20905 tan ni 100 inhlawhna kawng hrang hrangin an siamsak thin a, khawtlang intawm tur tui chhekkhawlna, Amrit Sarovar engemawzah siam zawh a nih tawh bakah siam belh tura ruahman mek niin, ruahtui khawl leh ramngaw tih zau na’n hma an la thin. PMAY-G hnuaiah kum 2021- 2022 chhung khan in sak tanpuina chhungkaw 353 hnenah pek a ni a. An district khaw 48-a in 9038 zinga 8738 chu tui herhhaw theiha thlunzawm tawh an ni a, a dang 301 chu thlunzawm tura hma lak mek a ni.
Thianghlimna kawnga hmasawnna a awm theihna’n inthiarna (Individual Househould Latrine) unit 3390, vantlang inthiarna 34 siam a nih bakah soak pit unit 100 siam a ni a. Zorin bean, Puakzo leh Mimpui chi (variety) tha siamchhuah na’na zirbingna kalpui a nih dan leh hlawk zawka huan lo ram enkawlna’na ICAR hmalakna sawi a ni a, Saiphaia loneitu 12 thlanchhuahte nen integrated farming kalpui mek a nih thu sawi a ni bawk.
Kolasiba National Civil Services Day pual hun hmanah hian sawrkar hnathawk tha leh an hna chanvo hlenchhuak that vanga chawimawina dawng tawh – KVK Kolasib head leh senior scientist Dr Michelle C Lallawmkimi, police sub inspector VL Dawngkima, Kolasib AWC-XII (Anganwadi) worker Vanlalchhuangi, Thingdawl ICDS Project – Women & Child Development leh Public Health Engineering Department Kolasib Watsan Division-te an ni.