Korea Univ. leh MZU-in MoU ziak

Department of Environmental Science and Ecological Engineering (ESEE), Brain Korea 21 (BK21) Four R&E Center for ESEE, Korea University leh Mizoram University chuan inremna thuthlung, memorandum of understanding an ziak.
MoU kaltlang hian zirna lamah leh university pahnih than zelna turah thawhho a ni dawn a. University-a zirlaite leh ram pahnih inlaichinna tinghet lehzual tura thawh ho chu an tum ber a ni.
Korea University BK21 program director Prof. Jinho Jung chuan SPARC program hnuaiah MZU hi tlawhin, Korea University aiawhin MoU-ah hian hming a ziah hnan a ni.
Korea University hi Seoul-a university hlun ber zing ami a ni a. Department of Environmental Science and Ecological Engineering hian National Project grant BK21 program Ministry of Education Korea buatsaih chu dawng tawhin, ram hrang hranga zirlai za chuang he program hian a chawm a ni.