Kristian Hla Bu app siam thar

Kristian Hla Bu app siam thar
Mizoram Synod Worship Committee hmalakna in Kristian Hla Bu application siam a ni a. Nilaini khan Synod moderator Rev R Vanlalnghaka’n tawngtaia hlanin a tlangzarh.
Kristian Hla Bu app hi Lailen Consulting Pvt. Ltd. siam niin, kum 2021 Synod Inkhawmpuiin siam nise, tia a pawm a ni. He app-ah hian Kristian Hla Bua hla 600 dah luh a ni a, instrument hrang hrang ri thlan theih niin, part hrang hrang – soprano, alto, tenor, bass-in a rik tir theih a, part mal chauh emaw part thlan bik ri emaw pawha tih rik theih a ni.
Heng bakah hian a tempo (hla vuak ran zawng), a transpose (key tihsan leh tihhniam) a tih theih a. App hi Android leh iOS phone-a hman theih tura duan niin, app hi kristianhlabu.com emaw Google Playstore-ah leh Apple App Store atanga download theih a ni.
App hi phone atanga install-in, hman hmasak berah hla hi a in download, a hnulamah erawh internet tel lo pawhin app hi a hman theih a ni. Tihchangtlun chhoh zel tum a ni a, a app siamtu Lailen hian research ti paha an siam a ni tih sawiin, he software/app hian hla hi staff notation atangin tonic solfa-ah a let a, hetiang thei hi a hmasa ber a ni tih an sawi a ni.