Kuhva-ah cheng vaibelchhe 10 lei

Kuhva-ah cheng
vaibelchhe 10 lei
Inrinni khan Rengdil Arecanut farming co-operative society limited-in Rengdil-ah General Body Meeting an nei a, 2025 chhunga kuhva atanga an lei zat chu cheng vaibelchhe 10.36 a nih thu an sawi.
Kum liam ta 2025 chhunga kuhva man an tel zat hi an chhut a, veng pangate hralhna bakah bag mal hralhna leh a rova hralhnate belhkhawmin, Rs 103682000 a ni.
Veng malah Diakkawnin an hralh hnem ber a, Rs 38598000 man an hralh. Kuhva a rova an hralh pawh Rs 2500000 man a ni.
Rengdil hian kuhva hi an thar hnem a, Hachhek Bial Kuhva Chingtu Pawl-in Hachhek bial chhunga kuhva man tel tam mi 10 an thlan chhuahah pawh Rengdil mi hi pariat an lang.
An pawlah hian chhungkaw 198 an tel a, member ni lo, kuhva huan nei an awm bawk. Member ni lote nen pawh hian kuhva hralh kawngah tha takin an thawkho a ni.