Bilkhawthlir Kuhva Chingtute chuan Inrinni zan dar 11 vel khan Bilkhawthlir Chemphai Buarchep hmunah Burma kuhva ro phur lirthei TATA Yodha pathum an man.
Heng lirthei khalhtute hi Vairengte State Veng mi pakhat leh Vairengte IOC Veng mi pahnih an ni a. An hma hruaitu (escort) nia rinhelh car pakhat, a neitu Abraham Lalrinthanga, Phainuam chu manin, an thil phurh kuhva ro bag 79 nen Bilkhawthlir Police kuta hlan an ni.
Bilkhawthlir Kuhva Chingtute duty hian dan loa kuhva hmanga sumdawng tawh lo turin mipui an duh hle tih an sawi a. Lirthei neitute pawh phur tawh lo tura ngenin, an tilui zel a niha an chungah engemaw a thleng palh a nih pawhin mawh an phurh loh tur thu an sawi a ni.
March 8 zing dar 4.30 vel khan Bilkhawthlir Kuhva Chingtute hian Burma atanga tawlh nia hriat kuhva rah truck palia phurh an man bawk.
Saihapui ‘K’ leh Bilkhawthlir to Buhchang pengah truck AS-11 EC 7747, AS-26 C 2298, AS-26 AC 1647 leh AS-26 C 9409 atangin kuhva rah hring bag 490 leh a ro bag 30 an man a, truck khalhtute hi police kutah an hlan a ni.
Kuhva chingtuten dan loa tawlh kuhva man
Get real time updates directly on you device, subscribe now.