Mizoram Kohhran Hruaitute Committee thukhawm chuan kuhva ro tawlh khuahkhirh turin Mizoram chief minister hnenah ngen an tum.
MKHC hian Uniform Civil Code dodal tur leh kuhva ro tawlh khuahkhirh turin chief minister hnena ngenna siam bakah kum 2023 MLA inthlanpui atan thuchah siam chungchang an ngaihtuah a, a tul angin bawhzui zel nise an ti.
-- Advertisement --
Thutkhawmah hian chairman kalchhuak ta Rev Dr Vanlalnghaka Ralte chuan chairman thar Rev Dr C Chawnghmingliana hnenah charge a hlan a. MKHC ah hian Mizorama kohhran pawl hrang hrang 15 aiawh kohhran hruaitute an tel mek.