Kum 15 chhunga a vawi khat nan REM an perform
Peter Buck, Mike Mills, Michael Stipe leh Bill Berry te chu 2024 Songwriters Hall of Fame Induction & Awards Gaga, New York Marriott Marquis Hotel-ah an band Hall of Fame-a lak luh a nih avangin an inlan a, tun kum 15 chhunga a vawi khat nan Live-in an perform nghal bawk.
REM hianband anga perform-ho leh tur chuan eng thilpawimawh tak emaw a awm a ngai ang, an lo ti tawh thin a, tunah hian band tana thil pawimawh pawimawh tak thil a thleng a, an perform leh ta a ni.
Stage-a an dinchhuah hnuah Michael Stipe chuan, “Kan hlaphuah leh kan catalog kan chhuan ve em em kha khawvelin min hriatpui a hi kan tana thil ropui tak a ni. A dawt lehah chuan khang kum tam tak thian tha taka kan awm thei hi a ni leh a. |hian satliah mai ni lo, thian duhawm tak kan ni,” a ti.
Stipe chuan, “Keini pali te hian a tir atangin kan masters neitu nihah royalty leh hlaphuahtu nihna te zat leh zata insem theuh turin thutlukna kan lo siam tawh. Kan pali hian pakhat kan ni,” a ti bawk.
REM full concert hnuhnung ber chu November 2008-a Mexico City kha niin, hemi hnuah hian mipui hmaah an la zaiho leh ta lo. Kumin hian Songwriters Hall of Fame-a lak luh zinga an tel a, anni bakah hian Steely Dan (Donald Fagen leh chatuan ram pan tawh Walter Becker) leh Hillary Lindsey, Timothy Mosley (Timbaland), Dean Pitchford leh chatuan ram pan tawh Cindy Wlaker te pawh lak luh an ni.
Kum 15 chhunga a vawi khat nan REM an perform
Get real time updates directly on you device, subscribe now.
Next Post