Kum 20 jail tang turin pawngsualtu hrem a ni

Hmeichhe kum tling lo pawngsualtu chu lung ina kum 20 tang turin court-in a hrem.
Thudawn danin, 2021 February 28 zan dar 7.00 vel khan pawngsualtu tuartu hmeichhe kum tling lo hi an chhungte birthday lawm zo a haw kawngah Lalpekthanga (32), Thingdawl Vengthar chuan lo lambunin khaw daia huan thlamah a hruai a, vau bet chungin a pawngsual a ni.
Pawngsual tuartu chhungte hian Kolasib Police Station-ah FIR an thehlut a; police-ten an chhuinaah pawikhawihtu hi manin, an duh ang tawka thu an zawhfiah hnuah chargesheet siamin court-ah an thehlut a ni.
Kolasib Fast Track Court judge R Vanlalena chuan pawngsualtu Lalpekthanga hi thiam loh chantirin, kum 20 jail tang tur leh sumfai Rs. 7000 chawi turin a ti a, a sum chawi tur hi a pe thei lo a nih chuan thla thum dang lung in tan belh turin a chungthu a rel a ni.