Kum 2025 atangin Exam Centre tinah CCTV dah tawh turin rawtna siam

Central Board of Secondary Education (CBSE) chan kum 2025 atangin exam centre leh classroom tinah examination video record kalpui vek tawh turin rawtna a siam.
Kumin June thlaa Governing Body meeting neihnaa sawihona neihah CBSE chairman Rahul Singh chuan rawtna an siamah candidate tena exam an hmachhawnna tinah CCTV camera dah vek turin an ti tiin a sawi.
“Exam centre a thil fel lo awm thin te chuan board officers te a tibuai hle a. Tunah chuan awlsam takin exam tihkhawloh theih a ni a. Chutihrual chuan real-time feedback kan dawn hmangin exam mumal zawka kalpui nana hmalak ngai kan ti a ni” tiin a sawi bawk.
Meeting neihnaah IT-based technology nasa zawka hman te ground situation hriat nana real-time assessment neih te chuan exam tha zawkin kalpui a nih tir thei a, chumi tur chuan CCTV footage chu tihmakmawh a ni tih a ni bawk a.
“Recording-te chu CBSE portal-ah upload zel a ni ang a. A tirah chuan pilot project angin region khata centre 30% velah kalpui phawt a ni ang a, chumi hnuah a pumpuia tuam a ni ang a. Data te chu CBSE (HQ) a data bank-ah dahthat zel a ni bawk ang,” tiin meeting minute chuan a tarlang bawk.
Ni tin exama CCTV recording chu weblink hmanga pek a nih theih nan respository data bank siam ni se tih a ni bawk.
CBSE chuan school tinte chu CCTV camera dah vek tawh tura tiin classroom-ah an la dah lo a nih phei chuan dah vek turin a ti bawk a. School tena CCTV an dah man chu CBSE-in a tum vek dawn bawk a ni.