Kum 23 chhunga Andhra Pradesh vision CM in tlangzarh
Andhra Pradesh chief minister N Chandrababu Naidu chuan SwarnaAndhra@2047 vision document chu assembly house-ah a tlangzarh.
Hei hi kum 23 chhunga Andhra Pradesh in ‘hausakna, hriselna leh hlimna nun’ an neih tumna a nih thu CM chuan sawiin, CM chuan kum 2047 ah chuan AP state chu hmasawnna zuanna hmun pawimawh tak a nih zual tawh dawn thu a sawi. ‘India in kum 100 a nih tawh dawn avangin an state chu a hlawhtlinna chhawrtute zinga sawi reng an nih theih nan leh hriatreng an hlawh theih nan he vision hi tlangzarh a ni,’ a ti bawk.
Prime minister Narendra Modi chuan Viksit Bharat 2047 a lo tlangzarh tawh a, an state chuan SwarnaAndhra@2047 an tlangzarh ve thu sawiin, hlim taka Andhra state chu an awm theih zelna tura ruahmanna pawimawh tak a nih thu vision a pharh pahin house a hrilh bawk.
Naidu chuan vision thiltumte chu mirethei ber pawh thleng phak a nih avangin khawvel huapa an state in hriatreng an hlawh theihna tur a nih thu a sawi a, kawng hrang hrangah an state chu India kum 100-na chhawr tangkaitu an nih theihna tura an hmalakna a nih avangin a hlawhtlin theihna tur kawngah pawh sorkar chuan theihtawp a chhuah zel dawn thu a sawi.
Kum 23 chhunga Andhra Pradesh vision CM in tlangzarh
Get real time updates directly on you device, subscribe now.
Next Post