Kum 7 hnu ah tualthattua ngaih mi pahnih Jharkhand-ah zu man

Kum 7 hnu ah tualthattua ngaih
mi pahnih Jharkhand-ah zu man
Kum 2017-a Aizawla tualthattu ni ngeia ngaih nupa chu Mizoram Police-ten tunhnai khan Jharkhand state-a an awmna atangin an zuk man a, Aizawl thlenpui an ni tawh.
Inspector general of Police Mizoram Lalbiakthanga Khiangte sawi danin, 2017 March 25 khan Falkland YMA hruaitute chuan an venga in pakhatah mithhi, tu tih hriatloh chu chhuata phumna atangin an haichhuak a, he in hi Manik Das @ Manoj chuan a nupui leh a fate pathum nen an luah a, an hnenah hian ruang hmuh tak Mangra a awm thin bawk. An vai hian Jharkhand lam mi an ni.
Ruang hi a lo chhiat deuh tawh avangin forensic mithiamte pawhin a thih dan chiang taka hriat harsa an ti tawh a, a ruang lan danah erawh a mit tuamsak a ni. He in luahtu Manik Das leh a chhungte hi an awmna chin hriat a ni loa, 2017 April 6 khan Bawngkawn Police Station ah case ziahluh a ni.
Pawikhawihtu nia ngaih Manik Das hi Aamdhari, Dumka district Jharkhand a ni a. A nupui Anjali Devi nen hian 2017 March 26 khan an ramah hian mi pahnih tualthih thua rinhlelh thilah Jharkhand Police-ten manin thubuai an lo siamsak ve bawk a. Hetihlai hian Mizoram Police pawhin anmahni man theihna tur hi chief judicial magistrate Aizawl district hnenah an lo dil ve mek bawk.
Mi pahnih tualthihnaa man an nihna, Kathikund Police Station (Jharkhand) ah hian an thubuai kaihhnawiha tihfel ngai tihfel a nih thawkhat hnu, 2019 November 20 khan Mizoram Police hian Manik Das-te nupa man theihna hi an hmu thei ta chauh a. An awmna lamah hian Mizoram Police chu intir nghalin, hetihlai hi Citizenship Amendment Bill duh lohna lantir nasat lai a nih avangin Assam-ah pawh kawng dan leh lungawilohna dang lantir nasat lai a ni a, police-te hi an kaltlang thei loin Mizoram lamah an rawn let a ni.
Kum 2020 a ni a, Covid hrileng vangin police-te hian hma an la zui thei leh ta mai loa, Jharkhand Police lamin an lo thawhpui tha vak lo bawk nen, he case bawhzui hi a zuzi ta deuh a ni. Tunhnaiah Aizawl SP Rahul Alwal hoin bawhzui thar leh a ni a, kumin September 26 khan inspector Maria Biakchungnungi hoin Mizoram Police team an intir a, Shikaripara Police Station hotuten tha taka lo tawiawmin, an ni puihna hian Manik Das (44) leh a nupui Anjali Devi (40) hi man an ni a, October 2 khan Aizawl thlenpui an ni.
Inthahna a thlen chhan hi an ni hnen atang hian zawhfiah me niin, Manik Das leh tualthi Mangra hi cement hna lam thawka Aizawla rawn awm ve ve an ni.Mizoram lamah an rawn let a ni.
Kum 2020 a ni a, Covid hrileng vangin police-te hian hma an la zui thei leh ta mai loa, Jharkhand Police lamin an lo thawhpui tha vak lo bawk nen, he case bawhzui hi a zuzi ta deuh a ni. Tunhnaiah Aizawl SP Rahul Alwal hoin bawhzui thar leh a ni a, kumin September 26 khan inspector Maria Biakchungnungi hoin Mizoram Police team an intir a, Shikaripara Police Station hotuten tha taka lo tawiawmin, an ni puihna hian Manik Das (44) leh a nupui Anjali Devi (40) hi man an ni a, October 2 khan Aizawl thlenpui an ni.
Inthahna a thlen chhan hi an ni hnen atang hian zawhfiah me niin, Manik Das leh tualthi Mangra hi cement hna lam thawka Aizawla rawn awm ve ve an ni.