Kum 83-ah Al Pacino-a’n fa nei leh ta

Hollywood star, kum 83 mi, Al Pacino-a’n a nupuiin nau a pai thu a puan atangin thla khat pawh a la tling meuh lo tihah a ngaihzawng Noor Alfallah chuan fapa a hringa, a hmingah Roman tih an sa.
Godfather changtupa fate hi an inupat hleih hlawm ve dawn khawp mai, a fa upa ber, Julie Marie chu kum 33 a ni tawh a, ani hi a ex Jan Tarrant nena an fa niin, a ex bawk Beverly D’Angelo nen fa phir Anton James, 22, leh Olivia Rose, 22, a nei tawh bawk. Al Pacino hian nupui erawh a la nei ngai lo thung a, hmeichhe pathum lakah sawn a thlak tawh anih ber chu!
Tuna a fa neihna, a ngaihzawng, NoorAlfallah hi kum 29 mi niin, an fa hmasa ber a ni. An pahnih hian nikum April thla atang khan an inzui tih thawm a thang tan a, Alfallah hian chutia an inzui niawm thu thang ta chu fiamthu nana hmangin, Instagram-ah, “Ka tawih thar…an lo confirm ve leh ngawt tawh,” a ti nghe nghe a ni.