Kum kaltaah Transport-in sawrkar tan vbch.50 hmu

Sawrkar kum kalta khan Transport department chuan chhiah leh chawi atangin cheng vaibelchhe 50 an hmu tih Transport minister Vanlalhlana chuan a sawi.
Ningania Mizoram Transport Workers’ Association (MTWA) General Assembly vawi 34-na a hmanpuinaah Transport minister chuan an department chu hausa leh rethei, thalai deuh atanga kum upa zawkte thlenga an dawr thin, mipui huapzo department an nih angin sawrkar hmingthat leh hmingchhiatah mawhphurtu pawimawh an ni tih a sawi a. Sawrkar kum kaltaa chhiah an hmuh vbch. 50 vel hai luttu department-a thawktute inpekna fakin, dikna leh rinawmna nena an hna chanpual theuh tha taka thawk zel turin a chah.
District pathum – Khawzawl, Saitual leh Hnahthial-ah hun reilote-ah DTO office hawn theih beisei a ni tih a sawi a ni.
Transport director Er. R Lalrammawia chuan mipui tan a awlsam zawk nan thawktute chu online services pe tam turin a chah a. Kum thum kalta atang khan contractor leh supplier te-ah ba nei loin an awm thei a, kumin sawrkar kum chhungin cheng nuai 5000 revenue hmu turin Transport department chu beisei an ni tih a sawi.