A zawna kum ruk nan Finland chu ‘world’s happiest country’ atan UN sponsored index kum tina tihchhuahah chuan thlan a ni a. India chu ram 137 zingah 126-naah a awm thung.
Dil sang chuang awmna leh ram ngaw turu tak awmna Nordic ram hi welfare system tha, thuneitute laka rinna nghah sanna leh mipui maktaduai 5.5 te intluk tlan ber berna rama ngaih a ni a.
Ranking-ah Ukraine chu kuminah nikum 98-na atangin 92 naah Russia-in a run mek chungin a chho bawk.
Professor Jan-Emmanuel De Neve, editor of the report chuan Ukraine ah ngilneihna lantirna a nasa tiin a sawi a. Ukraine mipuite chuan mikhualte tanpui leh tanpuina pek hrim hrim an an kalpui nasa a ti bawk a.
Kum 2014-a Russia-in Crimea a run hnuah aiin tunah Ukrainian te chuan thukhat vua leh inngaihsak tawna hruaitute laka rinna nghahna an nei nasa zawk tiin a sawi bawk.
Northern Europe ram te chuan ranking-ah hma hruai zui zelin Denmark chu pahnihna niin Iceland in a zui bawk a. Israel chu nikuma pangana atangin kuminah pali-naah a chho thung.
Lithuania chuan France lehpelin 20-na a ni a, top 20 a kum danga lang ngai lo inlan awm chhun niin Estonia chu kum 2017-a 66-na atangin 31-naah a chho dawrh bawk a.
A mawngphahah Afghanistan awm zui zelin kum 2020 atang khan a mawngphahah a la awm zui ta zel a ni.
World Happiness Report hi kum 2012 khan tihchhuah hmasa ber niin khawvel ram hrang hranga cheng mipui te himna bakah an economic leh social data te hmanga teh a ni.
He report hian thil paruk pawimawh tak tak : social support, income, health, freedom, generosity leh absence of corruption te chu teh nan a hmang a ni.
Kum ruk nan ‘happiest country’ Finland bawk
Get real time updates directly on you device, subscribe now.
Prev Post