Kum tharah ganja man hnem leh tawh

Tunlaiin Mizoramah ganja a hluar a, kum tharah pawh an man hnem leh tawh. Kum liam taah khan an man nasa a, 2025-ah pawh man tur a la tam niin a lang.
Mizoram Excise & Narcotics (MEN) department-in January thla chhung khan ganja hi kg 22.520 an man a, tam tham tak a ni.
Ganja hi nikum khan an man tam em em mai a, kg 578.592 an man. 2024 hi an man tam ber kum a ni a, May ni 31 thleng khan kg 406.719 an man hman a, May ni 31 khan 2024 kha an man tam ber kum a ni daih tawh.
Ganja hi tunlaiin a hluar a, MEN department hotute leh police lam chuan kum naupang zawkteah pawh ganja hi a hluar an ti.
Sikul naupangah pawh ganja zu an awm thin tih an sawi a, intih changkan nana hmang te pawh an awm a, meizial zu ang maia inngai, thil sual ti pawha inngai lo, chutiang chu tleirawl zingah an awm tih an sawi.
MEN department hotute chuan ganja hi Tripura atanga rawn lut a ni ber an ti a, Shillong atanga rawn lut a pung an ti bawk.