Kum tluanin heatwave thleng thei ti

Europe leh region dang dang tena khawlum turu tak an tawrh mek laiin UN researchers te chuan climate change chuan heatwave rei zawk thlengin hmun thenkhatah phei chuan kum tluanin a awm thei an ti.
Extreme heat chuan tun hnaiah headlines luah char charin Europe urtu ‘heat fome’ atangin Greece, Spain, Canada leh Hawaii thlengin khawlum lutuk hrin ram ngaw kang nasa tak a thleng a, South American thlasik-ah pawh temperature a sang hle.
Heatwaves te a intan hma a, a daih rei em em tawh bawk a, a nasa tial tial bawk a ni, tiin John Nairn, senior extreme heat advisor, UN’s World Meteorolgical Organization (WMO) chuan a sawi.
“Global warming avanga khawvel weather system a nghawng kan hmuh ran ber a ni” tiin a sawi bawk a, scientists tena an sawi lawk ang chiahin a thleng mek a ti bawk a. “Mipuite an ngaihtha rei lutuk a ni,” a ti bawk a.
“Science chuan a sawi lawk sa tawh a, kan tawng dawn a tih lawk sa a ni a. A tawp mai dawn lo va, a nasa tial tial dawn,” tiin a sawi bawk.
A chhan pakhat nia a sawi chu global warming chuan global jet stream – Earth atmosphere atanga boruak sang taka invawrh chu a tichak lo tial tial a ti a.
Jet stream te hi muang takin a insiam a, hei vang hian weather system te chu a hmun ngaiah rei tak a chamtir thei a ni a ti bawk a. “Heatwave a awm reng chuan nipui hunlai ang chiah a ni reng dawn a, lum chu a inbilh belh zel ang a, a chhan chu thli a tleh tlat loh vang a ni” tii Nairn chuan a sawi.
Khawvel pum kan en chuan heatwaves te chu hmun tin maiah a awm emaw tih tur niin hei vang tak hian North America, Atlantic Ocean hmun thenkhatte, Europe leh Asia te chuan a rualin heatwaves an tawng a ni tiin a sawi bawk.
Nairn chuan nikhata minimum temperature sang aiin zan lama maximum temperature sang chu a hlauhawm zawk a ti a. Zan lama temperature sang chu mihring hriselna atana pawi niin taksain chhun lama lum avanga insiamthatna a neih tur a tibahlah tiin a sawi bawk.
Maximum temperature aia minimum temperature sang zawk chuan excess energy te chu nawr nasain chu chuan temperature sang zawk rei tak awh thei a siam tiin Nairn chuan a sawi bawk a. Hei vang tak hian heatwaves te chu a hlauhawm zual lo thei lo a ni, a ti bawk.