Peace Accord MNF Returnees’ Association (PAMRA) chuan kumin, 2024 chhung ngei hian Chaltlang ram Maumuala an inhmun tur chu tihfel sak a, LSC pechhuak turin sawrkar an ngen tih an sawi.
Remna Ni vawi 38-na, June 30 chu kuminah Pathiannia a tlak avangin PAMRA Gen. Hqrs chuan Zirtawpni khan an office-ah an hmang a. Ex-officio Col Lalrawnliana’n thu a sawi.
Mizoram leh hnam tana zalenna suala rammute chuan zalen (independent) ngei an duh na in, mipui leh pawl hrang hrang leh kohhran hruaituten remna an duh avangin 1986 June 30 ah India sawrkar nen remna thuthlung ziah a lo ni ta a. Hnam sipaite tan chuan an thutiampui, ram leh hnam avanga nunna chân tate leh tuartu zawng zawngte avangin an duhthusam a ni lo hle tih PAMRA chuan a sawi.
Remna neih hnuah pawh an chanvo an sual zel a ngai chu an lungawilohna a pun phah hle tih sawiin, kumin Remna Ni thlen hnu ah pawh an inhmun tihfel sak an la ni lo lehzel phei chu a lungchhiatthlak a. Inhmun ber a fel loh chuan in sakna (housing assistance) phei chu fel ngaihna a awm loa, sawrkar laipuiin guideline fel tak siam mah se, Mizoram sawrkarin a ti buarchuar zo ta tih a sawi a ni.
Kum 2024 chhung ngeia Maumual (Chaltlang ram) a PAMRA member-te in hmun chu tihfel sak a, LSC pechhuak (issue) turin Mizoram sawrkar an ngen, tiin resolution an pass a ni.
Kumin chhungin Maumuala an in hmun tifel turin sawrkar ngen
Get real time updates directly on you device, subscribe now.
Prev Post
Next Post