Covid-19 a hluar leh mek a, tun hnaiah hri kai
hriatchhuah zat a pung leh. Tun thlaah ringawt pawh hri vei hriatchhuah zat a pung nasa.
IDSP te’n an chhinchhiah danin, May ni 19 thleng khan kuminah Mizoramah hri kai hriatchhuah mi 379 an awm tawh.
Kuminah January-ah hri vei an awm lo a, February ni 28-ah pakhat hriatchhuah niin, hei hi kumina a hmasa ber a ni a, nikum December ni 12 hnua Mizorama hriatchhuah leh hmasak ber a ni.
March ni 2-ah pahnihin an vei tih hriatchhuah a ni leh a, April ni 1-ah pakhat a awm leh. April-ah hian a hluar tan. May-ah a hluar zual.
April-ah khan mi 82-in hri an vei tih hriatchhuah a ni a, May thlaah ni 10 thleng khan hri vei hriatchhuah zat hi 149 a ni tawh.
Kuminah hian vanduaithlak takin mi parukin Covid-19 vangin nunna an chan tawh a, hei hi May thla vek a ni.
Kuminah hri vei hriatchhuah mi 379 an awm tawh a, an zinga mi 291 chu an dam tawh. May ni 19 khan enkawl lai mi 82 an awm.
Enkawl mek mi 82-te zinga 39 chu Aizawl district mi an ni a, mi 25 chu Kolasib district, mi 10 chu Lunglei district, mi pariat chu Serchhip district mi an ni.
Kuminah hri vei zat 379
Get real time updates directly on you device, subscribe now.