Kum 2023 thlaruk chhung ngawtin Iran chuan mi 354 a tihlum tawh niin rights group te chuan an sawi a. Kum 2022 aiin tihhlum a ngahsa der tawh an ti bawk.
Right groups te chuan Tehran chuan nikum September thlaa hmeichhiate tana incheina dan khauh tak bawhchhiaa puha Mahsa Amini thihna avanga lungawilohna nasa tak kalpuiah mipui nawlpuia hlauhna tuh a nih theih nan ‘death penalty’ a hmang uar nasa an ti.
Norway-a inbun Iran Human Rights te chuan June 30 thleng khan thlaruk chhungin tihhlum 354 an awm tawh a, nikum kha chuan 261 awmin a san chakna hi 36 per cent lawih a ni, an ti bawk.
Tihhlum zinga tam berte chu non-Persian ethnic group te an nih thu sawiin tihhlum zawng zawng atanga 20 per cent lawih chu Sunni Baluch minority te an ni, a ti bawk a.
Damdawi kaihhnawiha tihhlum 206 an awm a, chu chu nikum nena khaikhinin a sanna 126 per cent lai a ni an ti bawk a. Tihhlum zinga paruk chu hmeichhia niin mipa pahnih chu vantlang hmuh tura khaihlumin an awm, a ti bawk.
“Death penalty hi vantlanga hlauhna tuhnan leh lungawilohna kalpui tur awm thei hmehmih nana hman a ni,” tiin IHR director Mahmood Amiry-Moghaddam chuan a sawi a.
“Tihhlum tam ber te hi vantlang nunah pawh mi langsar lo hnuaihnung tak tak community tenau zawk chhuak te an ni tlangpui,” tiin a sawi bawk.
Iran hian kum 2022 khan mi 582 a tihlum niin IHR chuan a sawi a, kum 2015 hnua Islamic Republic-in kum khata tihhlum a ngah ber an lo ti tawh bawk.
Iran hi China tih lohah chuan khua leh tuite thi tura an chungthu rel tam ber niin China erawh a tihhlum zat sawi thei turin data hmuh tur a awm lo thung, tiin Amnesty International chuan a sawi.
Kuminah Iran-in mi 354 tihlum der tawh
Get real time updates directly on you device, subscribe now.
Prev Post