Ruihhlo hlauhawm methamphetamine (meth) man tur a awm reng a, police-in kuminah an man leh teuh tawh. Excise & Narcotics department pawhin an man hnem.
Mizoram Police-in kuminah March ni 20 thleng khan meth hi kg 203.14 an man a, hei hi a tam tham hle. 2023-ah khan meth an man hnem a, kg 154.172 an man. Chu aia tam chu kuminah thla hnih leh a chanve vel chhungin an man!
CID (Crime Branch) te’n an chhinchhiah danin, kuminah man tawh kg 203.14 hi Rs 26,40,82,000 man tura chhut a ni. 2023-a an man kha
Rs 20,04,23,600 man turin an chhut a, 2024-ah an man tam hla, kg 627.741 lawih an man a, Rs 81,60,63,300 man turah an chhut.
2023 hnuah meth hi kg 985.053 an man tawh a, hei hi Rs 1,28,05,68,900 (Cheng vaibelchhe 128.05) man turah an chhut a ni.
Mizoram Excise & Narcotics (MEN) department-in 2023-ah kg 99.506 an man bawk a,
2024-ah kg 140.839 an man bawk.
Meth hi Mizoramin a hriatna a la rei lo a, MEN department leh police lam chuan Mizoramah man tur awm ve reng mah se meth lakah Mizo thalaite an la himah an ngai. Meth kan hmelhriat tak tak hmain a hlauhawmzia kan lo inzirtir hman vang a ni an ti.
Mizoramah he ruihhlo ti thin an la awm lovah ngaih a ni chunga meth man tur a awm reng hi, Mizoram hi ruihhlo tawlh kawng a nih vang a ni an ti a, Mizorama meth an man hi Mizoram pawna mi tur a lo ni zel an ti.
Kuminah meth man hnem tawh
Get real time updates directly on you device, subscribe now.