Kuminah Opium la man lo

Mizoramah ruihhlo a hluar tia sawi a nih laiin chanchin lawmawm lam pawh sawi tur a awm a, kuminah opium an la man lo tih te pawh hi thu lawmawm lam a ni.
Thla ruk a liam tawh a, Mizoram Excise & Narcotics (MEN) department-in kuminah opium an la man lo.
Opium lakah Mizoram hi a la himah ngaih a ni a, mahse man tur chu a awm fo. Kum hmasa lamah khan an man fo a, heng pawh hi Mizoramah a mamawh an awm vang ni lovin a tawlh kawng a nih vang zawk an ti.
Myanmar, Thailand leh Laos inrina, ‘golden triangle’ an tih mai hi ruihhlo siamna hmunpui a ni a, he hmun aTang hian khawvel hmun hrang hrangah ruihhlo an tawlh Thin. Hmarchhak hi a kawng pawimawh a ni a, hei hi hmarchhaka ruihhlo a hluar chhanah pawh an puh Thin. Opium pawh hi Mizoraman an man fo a, Mizorama hman tur ni lovin hmun danga mi tur a lo ni Thin.
MEN department hotute chuan opium lakah Mizoram a la himah an ngai a, ‘Lo ti ve hi chu an awm a, mahse ti nasa chu an ni lo, kan hriat chinah,’ an ti.
Mizoram hmun Thenkhatah opium lo zu ve hi an awm tih an sawi a, khawpuia cheng an ni lo a, meizial zuka lo zu ve an ni hlawm tih chu an sawi dan a ni.
Opium hi Mizorama ruihhlo ti Thinte duhzawng a ni lo nia an hriat thu an sawi a, a hlauhawmzia an hriat avangin rui Thinte pawhin tih enah an en lo nia an hriat thu an sawi bawk.
MEN department-in opium an man tam ber kum chu 2016 kha a ni a, hemi kum hian kg 18.478 lai an man. Kum liam ta 2023-ah khan kg 0.066 an man a, 2022-ah kg 0.015 an man. An hriat chinah an mante hi hmun danga mi tur a ni zel an ti.