Kumtling lo ruihhlo khawih an tam

Kumtling lo ruihhlo khawih an tam
Champhai district-ah kumtling lo ruihhlo khawih an tam tih ruihhlo do lama district huapa hma latu sawrkar aiawhte chuan an sawi.
Ruihhlo leh a kaihhnawih hrang hrang laka India ram a fihlim theihna tura sawrkar laipui Ministry of Social Justice & Empowerment leh Mizoram State Social Defence & Rehabilitation Board tangdun hnuaia National Action Plan for Drug Demand Reduction hmalakna ‘Nasha Mukh Bharat- Drug Free India Campaign’ kalpuitu District Level Nasha Mukt Bharat AbhiyaanCommittee, Undivided Champhai District chu Thawhtanni khan an chairman, bawrhsap James Lalrinchhana hoin an thukhawm.
Line department leh ruihhlo ngaite enkawlna Home-te report ngaihthlak a ni a. Kum tlinglo ruihhlo khawih a hluar thu sawi niin, a bik taka enkawl an nih theihna’na pawimawhte sawi ho a ni. Ruihhlo leh a nghawng thalote inzirtirna kaltlanga hmalakna hlawk zawka kalpui a nih theih dan tur sawi a ni a. Inchhungkhur atanga ruihhlo leh a kaihhnawih do bultan a tul takzet tih an sawi.
Kumin February thlengin undivided Champhai district (Champhai & Khawzawl) a sçhool 136 ah ruihhlo leh a kaihhnawih inzirtir niin, zirna in 5 dang hmabak la awmah school luh veleha neih tum a ni. Ruihhlo ngaite enkawl kawnga awmze nei zawka hma lak a nih theihna’na program duang tur Sub-Committee din a ni a; zirchianna atanga rawtna awmte Committee hnena thehlut tura tih a ni. April thla chhungin Champhaia ruihhlo ngaite enkawlna home 6 awm chu tlawhchhuah nise an ti bawk.
Nasha Mukh Bharat Abhiyaan- Drug Free India Campaign hnuaiah hian India rama district 272 ah ruihhlo do hmalakna kalpui hmasak a ni a. Nikum August khan district 100 dang telh belh a ni a, tun dinhmunah district 372 ah kalpui mek a ni. Aizawl, Kolasib leh Champhai district chu Mizoram atanga he campaign kalpuina a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More