Labour Employment Skill Development & Entrepreneurship (LESDE) Department hnuaiah kuthnathawktute chhawmdawla enkawl turin Mizoram Building and Other Construction Workers Welfare Board (MBOCWB) a awm a, hetah hian tun hnaiah inziaklut zat a tlahniam.
2020-21 khan mi 16,863 an inziaklut thar a, 2021-22 khan mi 3,227, 2022-23 khan mi 2,710 an inziaklut thar.
MBOCWB hnuaia inziaklut, member ni lai hi mi 65079 an ni a, kawng hrang hranga puih thin an ni. An fate lehkha zirna tur thlenga tumsak thin an ni.
Mizoram sorkar hnuaia thawk contractor te’n ‘cess’ an chawi thin a, an hna senso atana sum dah zat atanga za zela pakhat an thawh thin. Chu chu MBOCWB hian an hnuaia inziaklutte chhawmdawl nan leh puih nan an hmang thin.
Hetiang sum tlingkhawm hi tun hnaiah a pung; 2020-21 khan Rs 14,06,09,340 hmuh a ni a, 2021-22 khan Rs 22,87,58,491 hmuh niin, 2022-23-ah hian January ni 27 thlengin Rs 26,68,16,523 hmuh a ni tawh.
Member-te hian hriselna lama inenkawlna (medical assistance) senso an dawng thei a, 2020-21 khan mi 776-in an dawng a, 2021-22 khan mi 260-in, 2022-23 khan mi 501-in an dawng.
Covid-19 vanga inkharkhip lai khan MBOCWB hnuaia inziaklutte hi Rs 3000 theuh pek an ni a, a thlawnin buhfai pek an ni bawk.
Kuthnathawktu inziaklut zat tlahniam
Get real time updates directly on you device, subscribe now.
Next Post