Kuthnathawktute tan power tiller

Kuthnathawktute tan power tiller
Aizawl Distict Marketing Cooperative Society (ADMACS) Ltd chuan Cooperative Week denchhenin kuthnathawktute hman atana pekchhawn leh turin Agriculture minister PC Vanlalruata hnenah an hlan.
November 14 khan All India Cooperative Week vawi 71-na hman a ni a. ADMACS Ltd pawhin hmangin, Cooperation minister ni bawk PC Vnalalruata hian a hmanpui. Kuthnathawktute tana hamthatna awm thei turin fu herna khawl, power tiller leh tractor leh thil hrang hranga dealership nei tura chahin, Agriculture department-a mamawh subsidy-a pek theih dan awm thei se a duh tih a sawi a ni.
7 horse power tiller pahnih chu kuthnathawktu a duh berte hnena a pek atan minister hnenah hian ADMACS Ltd chairman LT Sanga’n a hlan a ni.
Report-a tarlan danin, 1982 January 5-a din ADMACS Ltd hi 2022 February atang khan tuna hruaitute hian tuai thar lehin, a din tirha share Rs. 4300 nei kha tunah chuan share cheng nuai 13 chuang neiin, member 65 an awm mek. He society hi kum 2022-a an tuaithar leh hian nuai 7.3 tlinin a kum hnihnaah nuai 170 ah an kai a, a kum thumna leh kum kal mekah hian nuai 814 a tling tawh. Sawrkar kum kal mek tawp hun – 2025 March 31-ah chuan cheng vaibelchhe 15 chuang sum chevel nei thei tawh turah an inngai.
Thawktu 19 neiin, 2021 April atangin loan cheng nuai 154 pe chhuak tawhin, loan recovery nuai 92 a awm tawh. Project pathum kalpui turin an inruahman mek bawk.