Kuwait-ah mi 23 thih phahna rakzu satu mi 67 man

Kuwait-ah mi 23 thih phahna rakzu satu mi 67 man
Kuwaiti thuneitute chuan tun hnaia mi 23 an thih phahna, rakzu saa sem darhtu nia an hriat mi 67 an tel a, heng zingah hian a bultumtu ber, Bangladeshi pawh a tel tih interior ministry chuan a sawi.
Inrinni tlai tawh taka X-a thuchhuah an siamah ministry chuan mi chenna leh industry hmunah zu sakna paruk leh hman tawh lo pali hai chhuah a ni.
Zu saknaa tel Nepali pakhat chuan thuneitute hnenah methanol an buaipui dan leh an hralh dan a puang.
Kuwait hi Muslim ram a ni a, zu lak luh leh sak hi khap tlat a ni a. Hetih la hian rakzu hi hmun kilkhawrah sak a ni a, a ruka tih a nih avangin a him tawk em tih pawh hriat theih a ni lo.
Ningani khan health ministry chuan methanol telh in vanga harsatna nei mi 160 an tlin thu leh heng zinga 23 hi an thi a, a tam ber hi Asian an nih thu a puan hnu lawkah a bul tanna hi dap zui a ni.
Damlo zinga 51 chu kal thuah ngaiin an awm a, 31 chu ventilator hman ngaiin an awm bawk niin ministry chuan a sawi.
Kuwait-a ram dang mi awm tam ber, Indian Embassy chuan tun hnaiah an ram mi 40 vel damdawi inah an awm thu an sawi a, a chhan tak erawh an sawi lo.
“Thi pawh an awm a, thenkhat dinhmun pawh a tha lo hle a, thenkhat dam tawh pawh an awm,” tiin X-ah an tar lang.
Rawng nei lo, methanol hi zu chi khat a ni a, industry leh inah pawh hman a ni a, hriat a har hle a. A inin natna an neih hi a lang har hle a, luhai, pum na, luak, khaw hmuh fiah lo leh thawk harsa an ti thin.
Kum tin methanol in vangin an na thin a, a tam ber hi Asia-ah a ni a. Enkawl thuai loh chuan 20-40% an thi thin niin Doctors Without Borders (MSF) chuan a sawi.