KVK-in thlai chingtute hnenah tomato chi sem

Krishi Vigyan Kendra chuan Khawzawl district chhunga tomato chingtute leh Tomato Growers pawl hruaitute nen nimin khan Farmers Scientist Interaction leh Tomato chi semna hun an hmang.
Tomato chingtute hi khaw hrang hrang Tuipui, Tualte, Chawngtlai, Neihdawn, Rabung leh Khawhai atangin an kalkhawm a, he hunah hian Doubling Farmers Income (DFI) hnuaia KVK te adopted village, Tuipui leh Tualte khuaa tomato ching hlawhtling mi pahnih, Vanlalmuana, Tuipui khua leh CS. Lalhmangaihsanga, Tualte te hnenah Award pek a ni.
Vanlalmuana, Tuipui khua hian KVK Khawzawl ten Tomato-a ‘On Farm Trial’ an tih hmasak ber kum 2015 khan ching \anin, kum 2016 khan quintal 260 tharin cheng nuai 12 a lei chhuak a. CS. Lalhmangaihsanga, Tualte hian kum 2023 khan quintal 290 tharin cheng nuai 11 a lo lei chhuak tawh bawk a ni.
Nimina Tomato chi an sem hi Kg 8 niin Rs. 3,04,000 man hu a ni a, heng khaw hrang hrangte hi cover zo tura ngaih a ni. Tomato chi sem chhuahte hi Arka samrat leh Arka Abhed variety te an ni a, hengte hi Indian Institute of Horticultural Research (IIHR-ICAR : NEH), Bengaluru te nena \angkawpin an pe chhuak a ni.