Kylie leh Timothee in-break lo

Thla li vel kalta khan Kylie Jenner, kum 25, leh ‘Wonka’ changtupa Timothee Chalamet, kum 27, te inkarah ri rêt rêt a awm tih a tlang thang tan kha a ni a, reilote hnuah he beuaty mogul leh Oscar nominee te hian an inkar chu an chhu chat leh tawh niin report a awm zui ta mai a. Mahse, an inkar hi chat lovin an la inzui reng niin sapram media ten an tarlang a, chutihrualin an inkar hi han tih lar viau erawh an tum lem lo niin an tarlang bawk.
Kylie hi Travis Scott nena an inthen a, mahse, an inzui leh thin a, an pahnih hian fa pahnih, Stormi, kum 5, leh Aire, thla 18 an nei tawh a, nikum December pawh khan an inzui leh hman a, mahse, kum a lo thar a, an zuzi leh ta mai a. Tichuan, April thla atang khan Timothee nena an inkar hi a tlang thang ve leh ta a ni.
Timothee pawh hi tlangval luck ve thawkhat tak mai a ni a, a ‘ex’ zingah actress Eiza Gonzalez leh Madonna fanu Lourdes Leon bakah Johnny Depp-a fanu Lily-Rose Depp te pawh an tel ve tlat.