Inrinni zing khan NBA conference play-off semi-final khelh chhunzawm a ni a. Los Angeles Lakers chuan champion lai Golden State Warriors hnawk-chhuakin final an lut. Inkhel dangah Miami Heat in New York Knicks an hneh a, final an lut ve bawk.
Western conference semi-final game nga khelh tawhah 3-2 a hmahruai mek LA Lakers in game ruknaah champion lai Golden State Warriors lakah an khel tha viau a, quarter pali-ah chungnung zawk an ni vek. Quarter khatna leh quarter hnihnaah point ngain chungnung zawkah an tang ve ve a, point ngaa hmahruai chungin chawlhlawk an hmang phawt.
Chawlhlawk hnu lamah Lakers an khel tha chhunzawm zel. Quarter thumnaah point li-a an chungnun hnuin quarter hnuhnung berah point 7 in an chungnung zui leh a, nuamsak taka chakin an khingpuite hi point 122-101 in an hneh a, Western conference final an lut.
LeBron James-a khelhna LA Lakers hian chhe zetin season bul an tan a, kum 65 zet hnuah season bul an tan chhiat ber tum a ni hial. Regular season a tawp thlengin conference play-off khel turin direct in an tling phak lova, play-in an khel phawt a ngai. Play-in a tangin an chak tluang ta viau a, conference final an lut ta hial. Lakers hian regular season-ah Western conference champion Denver Nuggets an hmachhawn zui leh ang.
Inrinni zinga inkhel dangah Miami Heat chuan an khingpui New York Knicks chu point 96-92 in an hneh a, series ah 4-2 a hnehna changin final an lut. Heat hian 3-3 a inhnehtawk mek Boston Celtics leh Philadelphia 76ers te inkhela chak zawk zawk an hmachhawn zui leh ang.
LA Lakers in final an lut
Get real time updates directly on you device, subscribe now.
Prev Post
Next Post