St Marrys’ Stadium-a an mikhual Fulham lakah an tlawm vangin Southampton chu Premier League-ah an in hamtang zo lova, championship lamah an tlahniam chiang ta.
Him hram beisei zui tura chak mamawh Southampton hian an mualah bul an tan chhe hran lova, chawlhlawk hmain goal an chhuah bik lo. An mualah chak tum viau mah se chawlhlawk hnu lamah goal hnih an chhuah a, an sut theih loh vangin an tlakhniam phah ta nge nge. Saints hi an khel chhe tluang tak zet a, an khelh hnuhnung poin 33 zet hlawhchhuah theihnaah point thum chiah an hmu thei tawk a ni.
Chawlhlawk hmain goal thun thei bik lo mahse chawlhlawk hnu lamah Fulham an khel tha ta viau thung. Second half tan atanga minute hnihna lekah Carlos Vinicius chuan hma-hruaina goal a thun a. Minute 72-naah Aleksan-dar Mitrovic chuan an goal hnihna thunin an chakna a nem nghet. St Marrys’ ah hnehna an chan leh tak vangin Fulham hi pakuanaa an inhlangkai a, season an hmang tha thawkhat hle.
Southampton an tlahniam
Get real time updates directly on you device, subscribe now.
Prev Post
Next Post