Lai Autonomous District Council-a chief executive member V Zirsanga kaihhruai MNF sawrkar chu a nghing mek a, CEM nilai hian a tul chuan a dinhmun kiansan a hreh lo tih a sawi.
Lawngtlaia thuthar thehdarhtuten thil awm dan an zawhnaah V Zirsanga chuan, MNF Legislature Party-a member thenkhat leh MDC dangte intiamrualin CEM atanga bang turin an nawr tih a sawi a. Kumin February 9 khan Legislature Party leader atanga banna chu deputy leader hnenah a thehlut a, MNF Legislature Party hian a banna hi a hnawl a, CEM dinhmun pawh chelh zui a ni tih a sawi. Leader atan an pawm lo a nih chuan CEM hi ni zui thei a ni lo tih a sawi a ni.
Lai ADC-ah MNF kaihhruai sawrkar tha tak a awm zui zel theihnan tuna MNF MDC-te chu inlamletin rawn kir se, CEM thlak an duh a nih pawhin englai pawhin a dinhmun atanga inhnuhhniam a, eng chanvo mah chelh loh pawh a hreh lo tih a sawi.
Eiruk thubuai vanga Special Court (Prevention of Coruption Act) judge-in thiam loh a chantir LADC a CEM nilai V Zirsanga hian court thuremna chu ngaihtuah tha leh tura ngenin High Court-ah a zualko a, High Court hian court thuremna awmsa hi kalpui chhunzawm lo turin a ti a ni.
Thudawn danin, hetiang boruak karah hian elected MDC 25 awmna LADC-a MDC 13 chuan larsap hnenah V Zirsanga hian thlawptu member a nei ngah tawk lo tih hrilhin, sawrkar thar a pian theih nan hma la turin an ngen a, heng MDC zingah hian BJP leh INC MDC pakhat ve ve pawh an tel a ni.
LADC-a MNF sawrkar nghing
Get real time updates directly on you device, subscribe now.
Prev Post
Next Post