Chapchar Kut hmanga Aizawla lo kal Taiwan ambassador to India Baushuan Ger chuan Zirtawpni khan Mizoram Youth Commission office a tlawh.
Taiwan ram palai hi MYC chairman Malsawmzuala Ralte, under secretary H Lalnunzuala leh thawktu dangten lo dawngsawngin, Taiwan leh India sawrkarin labour mobility-a inremna thuthlung an ziah hrula Mizo thalaiten Taiwan-a hna an thawh theih dan tur an sawiho.
Taiwan sawrkar senso vekin Mandarin tawng zir tur Mizo thalai graduate chin mi 4 Taiwan-a tirh nise an ti a. Kum 1 course an zir zawhah Mizoramah mandarin tawng zirtirtu an ni chhunzawm nghal dawn a ni. Hemi atana class room remchang MYC office building ami pawh en ho nghal a ni. Taiwan ambassador chuan Mizo thalaite Mandarin tawng zirtir thei an awm hmaa online-a zirna ruahman tura hma a lak tur thu a sawi bawk.
Taiwan ambassador hi a nupui bakah Embassy third secretary Ping Fan Jian leh OSD to CM (Mizoram) Jonathan Lalremruata ten an tawiawm a ni.
Taiwan ram palaiin MYC tlawh
Get real time updates directly on you device, subscribe now.
Prev Post
Next Post