LADC CEM lalut dawn

Lai Autonomous District Council-a sawrkar thar dinga chief executive member atan South Lungpher bialtu MDC C Lalmuanthanga chu vawiin, May 14 hian Lawngtlai bawrhsap Cheemala Siva Gopal Reddy chuan rinawmna thu tiamtirin a lalut dawn.
Tarlan tawh thin angin, thla hnih chhung LADC-ah sawrkar mumal a awm theih loh hnu ah Congress MDC pakhat leh MNF MDC 12 chuan United Legislature Party dinin, an hruaitu atan Congress member C Lalmuanthanga an dah. A ni hian larsap hnenah LADC-ah a kaihhruai ULP-in sawrkar an siam theih thu a thlen a, larsap hian C Lalmuanthanga hi CEM atana a pawmna May 9 khan a tichhuak a, CEM atan lakluh a nih hnu ah larsap ruahmanna siam lawk tawh angin May 20 khian LADC Session ah CEM-a rintawkna a hmachhawn ang.