Lady Gaga a EGOT thei ang em?

Lady Gaga a EGOT thei ang em?
EGOT chu entertainment khawvela chawimawina sang leh ngaihlut chi li dawng thei tihna a ni a, television lama chawimawina sang Emmy, rimawi khawvela chawimawina sang Grammy, film khawvela chawimawina sang Oscar leh stage acting lama chawimawina sang Tony Awards te dawng kim vek thei tihna a ni a, hetiang dawng kim vek thei hi kut zungtang thliah tham lek chauh khawvelah an la awm.
Lady Gaga pawhin EGOT a hnaih ta riau a, Tony Awards chiah a mamawh tawh. Gaga hian May ni 20 khan Sports Emmy a dawng a, hei a pre-Super Bowl performance vanga dawng niin, New Orleans terror attack avanga tuarte, Hurricane Helene avanga chhiat tawk te leh Los Angeles kangmei chhuak avanga tuarte pualin ‘Hold My Hand’ a perform a, hei hian Sports Emmy a hum haw tir ta a ni.
Gaga ian 2025 Sports Emmy-ah ian outstanding music direction dawngin, he award hi producer dang Seth Dudowsky, Bill Richards, Joel Santor, Jesse Weiss leh Brad Zager te nen an dawngho.
He category-ah hian nomination-ah Prime Video atangin Evolution of the Black Quarterback, HBO Max atangin The Lionheart, ESPN+ atangin Noche UFC: For Mexico, For All Time leh Netflix atangin The Turnaround te nen an awmho.
Gaga hian a rimawi khawvel zin kawnga Grammy award 14 dawng tawhin, ‘A Star Is Born’ film hla ‘Shallow’ avangin Oscar-ah best original song a dawng tawh bawk a, tihian EGOT turin Tony chiah a mamawh tawh a ni.