Lady Gaga & Bruno Mars ‘Die With a Smile’ a lar ber

Lady Gaga & Bruno Mars ‘Die With a Smile’ a lar ber
Lady Gaga leh Bruno Mars te hla hit ‘Die With a Smile’ chu Billboard Global 200 chart-ah a No.1 a, he chart-a kar riat a No.1-na a ni ta a, Benson Boone ‘Beautiful Things’ lehpelin, kumina he chart-a hla No.1 ni rei thei ber a ni ta. Hetihrual hian Jennie ‘Mantra’ pawh No.2-ah a debut.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian ram hrang hrang 200 chuanga official-only streams (subscription leh ad-supported audio leh video music services) leh download sales te chu tehna pawimawh a ni.
Lady Gaga leh Bruno Mars ‘Die With a Smile’ hian kar khat chhungin stream maktaduai 110.3 a la kai thei a, sales pawh 8,000 la tlingin, hei hi a kar riat nan chart-ah a No.1 pui leh ta a ni. He hla hi Gaga leh Mars te tan he chart-a an No.1 vawi khatna ve ve a ni a, tihian kar riat chhung chu khawvel huapin kartin stream maktaduai 100 a la kai ziah a ni.
‘Die With a Smile’ hi kumina he chart-a No.1 ni rei ber a ni ta a, kar liamta khan he chart-a kar sarih No.1 thei Benson Boone ‘Beautiful Things’ record a rawn nih ruala, tunah chuan ‘Beautiful Things’ hi a kalsan ta a ni.
He chart-a kar thum No.1 thei Billie Eilish ‘Birds of a Feather’ chu No.2-ah bawk a la awm.
BLACKPINK member Jennie hla thar ‘Mantra’ chu No.3-ah a debut a, stream maktaduai 74.9 leh sales 15,000 a nei thei. Jennie hian he chart top 10-a lang thei hla pathum a nei tling ta a, an group BLACKPINK-in top 10-a lang thei hla pali an nei tawh bawk. BLACKPINK member dang LISA pawhin he chart top 10-a lang thei hla pathum nei tawhin, Jisoo leh Rose ten hla pakhat ve ve an nei tawh bawk.
He chart-a kar thum No.1 thei Sabrina Carpenter ‘Espresso’ chu No.4-ah bawk a la awm a, a hla dang, chart No.2 pawh lo ni tawh, ‘Taste’ chu No.3 atangin No.5-ah a tawlh ta bawk.
Billboard Global 200 Top 10:
1 Die With A Smile – Lady Gaga & Bruno Mars
2 Birds Of A Feather – Billie Eilish
3 Mantra – Jennie
4 Espresso – Sabrina Carpenter
5 Taste – Sabrina Carpenter
6 Good Luck, Babe! – Chappell Roan
7 Beautiful Things – Benson Boone
8 A Bar Song (Tipsy) – Shaboozey
9 Si Antes Te Hubiera Conocido – Karol G
10 Timeless – The Weeknd & Playboi Carti