Lady Gaga-i’n Spotify record a siam

Lady Gaga-i’n Spotify record a siam
Lady Gaga chuan Ariana Grande record lehpelin, hmeichhe zaithiam zingah Spotify-a thla khat chhunga ngaithlatu ngah ber record a siam a, Gaga hian Spotify-ah hian monthly listner 12,37,36,959 a nei thei. Gaga hi mipa zaithiam te nena lakah pawh Spotify-a monthly listener neih tamah pathumna a ni pha a, Bruno Mars leh The Weeknd te chiah a pha lo.
A hmaa hmeichhe zaithiam zinga Spotify-a monthly listener ngah ber record siamtu Ariana Grande hian nikum December khan record siamin, chumi hma leha record siamtu hi Taylor Swift niin, Swift record hi maktaduai 116 a ni.
Gaga leh Bruno Mars te hla ‘Die With a Smile’-in chart hrang hrangah ro a la rel chhunzawm zel a, he hla hi Billboard Hot 100 (singles) chart-ah kar No.1 ni tawhin, tunah hian No.4 a ni mek a, a hla dang ‘Abracadabra’ chu he chart-ah hian No.29 ni mekin, Billboard Hot Dance/Pop Songs chart-ah No.1 a ni bawk.
‘Die With a Smile’ leh ‘Abacadabra’ te hi Gaga album thar, March ni 7-a a tlangzarh tur ‘Mayhem’-ah a dah tel ve ve a ni.