Pathianni zing khan NBA regular season 2022-23 khelh chhunzawm a ni a, vawi thum tlawm zawn tawh Los Angeles Lakers chuan LeBron James tel lovon champion lai Golden State Warriors an hneh. Inkhel dangah Sacramento Kings chuan harsa takin Dallas Mavericks an hneh ve bawk.
Western Conference-ah 13-na ni mek LA Lakers leh pakuanaa awm mek Golden State Warriors te hi an inhnehtawk viau a, inkhel hmuhnawm tak an lantir. Quarter hmasa pahnihah Worriors hi point khatin an chungnung zawk ve ve a, point hniha hmahruai chungin chawlhlawk an hmang. Chawlhlawk hnu lamah Lakers in bul an tan tha a, quarter thumnaah point 8 zetin chungnung zawkah an tang a, an khingpuite an lehthal. Quarter hnuhnung berah an inhnehtawk lehzual a, point 24 ve ve thawkchhuak in, an inhnehtawk. Point belhkhawmah 106-103 a chungnung zawkin LA Lakers in hnehna pawimawh tak an chang. Warriors lakah an chak nawlh vangin vawithum an tlawm zawn hnua a vawi khat nan Lakers in chak ni hmel an hmu ve leh ta nge nge.
-- Advertisement --
Warrios an hneh tum hian NBA a point thawkchhuak hnem ber record thar siamtu LeBron James a inlan lo. James awm loh lai hian Dennis Schroder chuan point 26 a thawkchhuak a, ani hi Lakers tan point thawkchhuak hnem ber a ni a. Golden State Warriors tana point thawkchhuak hnem ber Jordan Poole chuan point 29 a thawkchhuak ve thung.
Pathianni zingah inkhel dangah Sacramento Kings chuan point 133-128 in Dallas Mavericks an hneh. Sacramento Kings leh Dallas Mavericks te hi hun pangaiah point 114 ve ve thawkchhuakin an inhnehtawk a, chak zawk an awm thei lo phawt. Hun pangngaiah an inhnehtawk hnuin overtime-ah Mavericks in point 14 an thawhchhuah laiin Kings hian point 19 zet an thawkchhuak ve thung a, point ngain an khingpuite an hneh thei hram a ni.
Sacramento Kings laka an tlawm tum hian Dallas Mavericks tan a vawi khat nan Kyrie Irving leh Luka Doncic te an inkawp a, an hmuhnawm dun viau. Brooklyn Nets atanga Mavericks zawm thar Inrving hian point 28 a thawkchhuak a, player lar Concic hian point 25 a thawkchhuak ve bawk. Inkhel dangah New York Knicks chuan point 126-120 in Utah Jazz an hneh ve bawk.
Inrinni zinga inkhelah Eastern Conference-a pahnihna ni mek Milwaukee Bucks chuan point 116-109 in Los Angeles Clippers an hneh a. Bucks hi an khelh hnuhnung 10-ah an chak zawn vek. LA Clippers an hneh tum hian Bucks player pawimawh Giannis Antetokounmpo chuan point 35 a thawkchhuak a, a chetha leh viau. Inrinni zinga inkhel dangah Eastern conference hmahruaitu Boston Celtics chuan point 127-116 in Charlotte Hornets an hneh ve baw