Laltanpuia Tochhawng hlate
zir zauna lehkhabu tichhuak
Govt. Hrangbana College Mizo Department lehkhabu buatsaih – “Hmangaihna Zunzam” tih chu Zirtawpni khan I&PR minister Lalruatkima’n a tlangzarh.
Minister chuan Laltanpuia Tochhawng hlate zir zauna lehkhabu ‘Hmangaihna zun zam’ buatsaih a ni chu a ropuiin, lehkhabu buatsaihtu Mizo Department-a ziaktute leh a phena thawktute fakawm a tih thu a sawi.
Mizo tawng tihhausak a pawimawh tih sawiin, Zofate chu ram peng hran leh tawng hrang hmangin awm mah ila, Duhlian tawng, kan hman mek chu a khaikhawmtu deuh ber leh a thiam kan tam ber avangin literature hmasawnna atan pawh kan tih hausak a pawimawh hle tih a sawi. Thangtharten lehkhabu chhiar an ngaihlu ta lo chu pawi a tih thu a sawi a, literature mai ni lo, ram hmasawn zelna atan pawh thangtharten lehkha chhiar an ngaihpawimawh thar a tul tih a sawi a ni.
Hmangaihna Zun Zam lehkhabu hi Laltanpuia Tochhawng hla te mi hrang hrangin an zirzauna a ni a, ziaktu 25 awmin, Laltanpuia hlate thlirna hrang hrang atanga an zirna chhawpchhuah a ni.
Laltanpuia Tochhawng hlate zir zauna lehkhabu tichhuak
Get real time updates directly on you device, subscribe now.
Next Post