HSLC leh HSSLC Examination 2024-a pakhatnate leh an nu leh pate chu Thawhtanni khan larsap Dr Hari Babu Kambhampati chuan Raj Bhavan-a lengah a sawm a. HSLC-a pakhatna leh HSSLC arts, commerce leh science stream-a pakhatnate hnenah chawimawina thuziak leh lawmpuina sumfai a hlan.
Larsap chuan zirlai tithate hi a mal te te in a kawm a. Lehkha zir chhunzawm an tum dan zawtin, hna leh eizawnna chungchang a sawipui. An thiamna chu an hmalam huna hna tha tak leh eizawnna ngelnghet tak an neih theih nana hmang turin a fuih a ni.
MBSE hnuaia HSLC exam 2024-ah Lalmoipuia Lawmzual s/o HL Lawmzuala, St. Paul’s HSS chu pakhatna a ni a. HSSLC exam 2024-ah Lalramdina Ralte s/o Lalthakima, St. Paul’s HSS chu Science stream-ah pakhatna, Commerce-ah David Lalhminghlua s/o Paul Zakhuma, St. Paul’s HSS chu pakhatna, Arts stream-a pakhatna chu Linden Lalremruatpuia s/o C Lalrindika, Oikos HSS a ni.
Larsap-in HSLC leh HSSLC pakhatna te lawmpuina hlan
Get real time updates directly on you device, subscribe now.