Larsap leh CM puihna sem

Mizoram larsap Dr Hari Babu Kambhampati chuan Mizoram district 11-a rehab leh hnuchham in 45 tan tanpuina cheng nuai 4 a pe chhuak a. Larsap aiawhin Inrinni khan Khawzawl bawrhsap K Lalrohlua chuan an district-a he tanpuina dawngtu – Chhanchhuahna Home Zuchhip chu sumfai Rs. 10000 a hlan.
Chhanchhuahna Home hi Zuchhip khaw hmun hluiah awmin, kum 2020 a din a ni. Ruihhlo ngaiten nun thar an neih theih nan theihtawp chhuahin an thawk a, tunah hian mi 30 chuang an awm mek.
Chief Minister Discretionary Grant 2023 -2024 an hmuh chu Inrinni khan Saitual district bawrhsap Dr Lalngura Tlau chuan a dawng tura thlan Salvation Girls Home ‘Hlimna In’ leh District Hospital Saitualah a hlanchhawng. Bawrhsap chuan a dawngtute hnenah an hna rim taka an thawhna fakawm a tih thu sawiin, an hnathawh chu sawrkar pawhin a hriatpui tih a sawi a ni.