Lateral Entry avanga inhnialna kal zel

Union Public Service Commission (UPSC) chuan advertisemnt tichhuakin Union government hnuaia thawk turin ‘talented leh motivated Indian nationals’ te chu senior position chelh tura lak an ni dawn a ti a. Heng post hnawhkhah tur zingah hian ministry hrang hrang 24-ah Joint Secretary, Director leh Deputy Director te pawh telin post 45 lai hnawhkhah a ni dawn a ni.
Sorkar hmalakna chuan nasa taka sawisel hlawh nghalin a bik takin Congress leader Rahul Gandhi chuan a sawisel na hle a, BJP te chuan chu chu chhang letin Congress kaihhruai sorkar laia ‘lateral entry’ chu kalpui a ni tawh zawk an ti ve thung.

Eng nge Latenral Entry?
Bureaucracy a Lateral entry tih chuan traditional government service cadres heng Indian Administrative Service (IAS) ni lo pawn lam mi tena sorkar department a senior-level dinhmun an luah theihna tura lak a ni.
Lateral entry process chu Prime Minister Narendra Modi hun laia kalpui tak tak tan niin kum 2018 khan a taka kalpui tan a ni a. Tih thin dan traditional system a senior bureaucratic dinhmun te career civil servant te chauhin an chelh theih thin chu a thiat a ni.
Lateral entry hmanga lutte chu a tlangpuiin contract angin kum thum atanga kum ruk chhung vel atana chhawr thin an ni a, an performance azirin sorkar chuan a pawtsei thei bawk a. Heng mite hian an thiamna te chu governance leh policy implementation a harsatna hrang hrang te chinfelna kawngah an hman leh sorkar tana hlawkna awm tura ngaih vang a ni.
Tuna UPSC-in advertisement a tihchhuahah level thum – Joint Secretary, Director leh Deputy Secretary post hnawhkhah tur a ni a. Heng post-te hi pawimawh tak administrative head nia thutlukna pawimawh siamtute an ni. Sorkarin lateral entry a kalpuiah behchhan pahnih neiin : mithiam zawk chawkluha administration a skilled manpower tihpun a ni.
Rahul Gandhi sawiselna leh BJP chhanna
Rahul Gandhi chuan sorkarin lateral entry kalpui a tum chu sawiselin Modi sorkar chu hnunglam atanga BJP ideological mentor Rashtriya Swayamsevak Sangah (RSS) laka rinawm officer te dah a tumna tiin a sawi a. Gandhi chuan lateral entry chu UPSC behchhana hmanga Scheduled Castes (SC), Scheduled Tribes (ST), leh Other Backward Classes (OBC) candidate te tana reservation hnawlsak tumna tiin a sawi.
Congress President Mallikarjun Kharge pawhin lateral entry chu sorkar hna pawimawh thawk thei lo tura marginalised community te siam tumna ‘well-planned conspiracy’ tiin a sawi bawk a. Opposition leader dang Rashtriya Janata Dal’s Tejashwi Yadav leh Uttar Pradesh Chief Minster hlui Mayawati te pawhin sorkar laipui hmalakna chu na taka demin underprivileged candidate tena sorkar hna tha an thawh theihna tur chhuhsak tumna tiin an sawi.
BJP te erawhin chhang letin lateral entry concept chu Congress kaihhruai United Progressive Alliance (UPA) hun laia ruahman a ni an ti ve thung a. Union minister Ashwini Vaishnaw chuan Second Administrative Reforms Commission (ARC), Congress leader Veerappa Moily kaihhruai khan special knowledge nei te lakluh an nih theih nan lateral recruitment neih ni se tiin a thlawp a ni a ti.
Union minister Ashwini Vaishnaw chuan tuna sorkarin lateral entry a kalpui mek chu chhan bawkin recruitment process chu langtlang tak leh UPSC kaltlanga lak a ni a ti bawk a. He reform hmang hian sorkar chuan professional thiamna nei te lalutin hmasawnna tha zawk a thlen dawn a ni a ti bawk.