Laureus Awards nominee an puang

Laureus Awards nominee an puang
Infiamna thlura chawimawina ngaihhlut hlawh Laureus Awards an tih chu category hrang hrangah an semchhuak leh dawn a, award dawng thei tur nominee pawh tar-chhuah a ni tawh.
Hmeichhe Euro 2022 title latu England hmei-chhe football team Lio-nesses chu an coach Sarina Wiegman hnuaia match 28 chhung tlawm nei loa kal tluang lai an ni bawk a, Laureus World Team of the Year trophy dawng thei tur zingah an tel.
Nikum July thla khan England nulate hian Women’s European Championship final extra time-ah 2-1-in Germany an hneh a; an mipa football team-in 1966 World Cup hnehna an chan hnuah England rama major football trophy a luh leh vawi-khatna chiah a ni.
Lionesses hian best team award dawng thei tura chhawpchhuah ve dang men’s World Cup champion Argentina leh Champions League winner Real Madrid an hmachhawn a ngai dawn a; anni team hnih bakah hian France mipa rugby team, NBA club Golden State Warriors leh Formula 1 world champion Red Bull an la awm cheu bawk.
Manchester United midfielder Christian Eriksen chu Comeback of the Year award dawng thei tura ‘nomi-nate’ zingah telin, Euro 202 khelh laia lungphu chawla a tluk hnua pro-fessional football a khelh zui leh theih vanga no-minee hmu a ni.
Kazakhstan nula Wimbledon champion Elena Rybakina pawh World Breakthrough of the Year award dawng thei tura khalhfal zingah an rinlut a; tennis player ve bawk Carlos Alca-raz pawh he huangah hian telh niin, Spaniard hian US Open title a lak hnu khan men’s world number one naupang ber nihna a chang zui.
Kum 2022, nikum mai khan Britain tleirawl Emma Raducanu chuan US Open title a lak avangin Breakthrough of the Year award hi a lo dawng tawh a; Tokyo Olympics-a bronze medal a sualchhuah hmaa hliam na tak atanga kirleh skate-boarder Sky Brown kutah Comeback of the Year trophy hlan niin, BMX racer Beth Shriever chuan Action Sportsperson award a dawng ve bawk.
Kumina category hrang hranga award dawngtute hi kumin kum tawp lama awards cere-mony-ah puan leh lawmman sem tur a ni.
Nominee kimchang kan chhawpchhuak e.