Lawngtlai District kum 25 tlin lawmna hun hmang

Lawngtlai District-in kum 25 a tlin lawmna hun hman puitu H.Biakzauva, Deputy Speaker chuan ram dang nen a inkalpawhna changtlung tak a awm theih nan Lawngtlai district chhungah hmalakna lian tak kalpui mek a nih thu a sawi.
Deputy Speaker chuan Lawngtlai district-in kum 25 a chuankai theih nana district dinhmun hmu tur a mi \hahnemngai leh inpe tak takte hmalakna tarlangin, an inpekna leh an ?hahnemngaihna te hlut sak a, an mitthla ang ngei a kawng hrang hrang a District hmasawn a nih zel theih nan mipui inlungrualna leh \anrualna \ha awmna district a siam zel turin kalkhawmte a chah.
Sawrkar hmalakna inkhairual a awm theih nan Lawngtlai district chhung a khaw \henkhat, kalpawh har deuhte chu hneh zawk a vil a nih theih nan hmalak mek a nih thu sawiin, hna sawt zawk a kalpui a nih theih nan State sawrkar hnuai a thawktute leh Autonomous District Council hnuai a thawktute inkarah thawhhona \ha siam thiam a pawimawh thu a sawi a. Ram dang nen a inkalpawhna changtlung tak a awm theih nan Lawngtlai district chhungah hmalakna lian tak kalpui mek a nih thu sawiin, sumdawnna hmunpui leh Mizoram luhkapui ni tur a inpuahchah a \ul thu a sawi bawk.
C.Ngunlianchunga, MLA chuan Lawngtlaiin District dinhmun a luah theih nan sawrkar a thuneihna chelhtute hmalakna fakawm a tih thu sawiin, khatih hunlai a Chief Executive Member F.Rohnuna, Minister ST Rualiapa leh MLA Sapliana Vandir te hmalakna chu hmalakna pawimawh tak a nih thu a sawi a. Harsatna leh retheihna atanga khai chhuah an nih theih nana District dinhmun pek an ni chu hlut thiam a, District changkang, hmasawnna inkhairual leh kawng hrang hranga entawntlak ni turin Sawrkar thawktute leh mipuite a chah a ni.
He hunah hian LADC a Executive Member-te, Lawngtlai district chhung a sawrkar pisa hrang hrang hotute, khawtlang leh tlawmngai pawl hruaitute an tel a. DC Office-a thawktute zing a boral ta te sunna hun hman niin District Silver Jubilee pual a lehkhabu leh Memento tlangzarh a ni bawk.