Mamit District Badminton Association te’n Badminton Hall-a Carpet an phah thar hawngtu Er.H.Lalzirliana, MLA & Vice Chairman, Road & Infrastructure Development Board chuan Mamit District Badminton Association te chu uluk taka enkawl turin a chah.
Minister chuan Mamit District Badminton Association te’n an beisei leh nghahhlelh em em Carpet phah a ni ta chu a lawmpui thu sawiin, vantlang thil chu a neitu rilru pu-a enkawltu an awm loh chuan a tlo thei lo tih a sawi a. Badminton Hall-a Carpet phah thar chu Mamit District Badminton Association te chu uluk taka enkawl tura chah in, thangthar lo la awm zel tur te’n infiamna hmanraw tha an neih zel theihna tura sulsutu a tang zel turin Badminton Association hruaitute chu a chah bawk.
Mamit Badminton Hall hi Kum 1984 khan sak a ni a, Hall sak a nih theihna tur hian mi thahnemngaite’n India Prime Minister ndira Gandhi hnena an dil atanga sak a ni a. Hall sak nana hmanraw tulte pawh Tlawng Lui a tangin Tut Luiah Phaizau khua thlen niin headload in Mamit khua-ah hian lak luh a ni a.
Mamit District Badminton Association hi Kum 2004 ah din niin, Club sawm lai an awm a. Badminton Hall-ah hian Kum 1992 a tang khan Tournament neih tan a lo ni tawh bawk a ni.
Minister in Mamit Badminton carpet phah hawng
Get real time updates directly on you device, subscribe now.
Prev Post