Lawngtlai & Siaha district-ah nausen
kum 1 hnuailam thi tam
Kum 2022 leh 2023 kal mekah Lawngtlai district leh Siaha district ah nausen thi an tam a, nu nau chunga thi erawh an tam lutuk lo thung.
Thawhtannia Lawngtlaia National Health Mission mission director Dr Eric Zomawia hoa Lawngtlai leh Siaha district-a District Level Review Meeting neihnaah hei hi sawi a ni a. Lawngtlai district-ah nu nau chunga thi 7 awmin, nausen kum khat hnuailam thi 17 an awm a, kum hmasa aiin a tlahniam tih sawi a ni. Siaha district-ah nausen kumkhat hnuailam thi 35 an awm a, nu nau chunga thi an awm lo thung.
He hunah hian Lawngtlai chief medical officer Dr LP Malsawma chuan sawrkar laipuiin district hnufualah Lawngtlai district a dah tih sawiin, nu leh naute hriselna, nausen kum khat hnuailam thihna leh nu nau chunga thi an tam thin avangte a ni tih a sawi.
Lawngtlai & Siaha district-ah nausen kum 1 hnuailam thi tam
Get real time updates directly on you device, subscribe now.