League top scorer thar Mbappe

Paris St-Germain tan Inrinni zana a goal khat khung leh hmangin France international Kylian Mba-ppe chuan league season kal laiah goal sarih khung tlingin Ligue 1 top scorer nihna a chang thar a, nizan lam inkhel result azirin a dinhmun hi a phet leh mai thei bawk.
PSG hian sithum faiin an mikhual Strasbourg an sawp a; he inkhela goal hmahruai hi first half minute 10-na leka penalty atanga Mbappe chhuihluh niin, he penalty hi Portugal international Goncalo Guedes hlawhchhuah a ni.
Darkar chanve an khel pel hlek tihah Mbappe siamsak atangin Carlos Soler chuan mualneitu team goal hnihn aa thawh a; chumi hma chiah chuan Strasbourg siphruh sutna ture goal Lebo Mothiba thun chu offside hmanga hnawlsak a ni.
Second half-a PSG goal khat lut hi minute 77-a Fabian Ruiz thun niin, Soler-a siamsak a ni ve thung a; an kawtkaia Patrick Vieira team Strasbourg laka point thum an hmuh hmangin PSG hian Ligue 1 table-ah a sangber an luah chho a, nizan result tarlan hman lohin hmahruaitu dinhmun hi a sawidanglam leh mai thei bawk.
Tarlan tak angin, Inrinni zana an chak avangin Luis Enrique team-in Monaco lehpein hmahruaitu nihna an chang a, nizan league result tarlan hman loh pakhatah Monaco hian an mikhual Metz laka an result hmangin an hum ngai an luah chho leh thei ang.
Strasbourg hi a zawna match thum an tlawmna a ni ta a, table-ah pawh 12-naah tlahniam tawhin, an boss Vieira laka club thuneitute dawhtheihna hian eng chen nge a daih dawn sawi theih a ni ta lo!