Left ten Lucknow-ah rally lian nei dawn

On Oct 12, 2023 20 0

Left party palite chuan Lucknow-ah public meeting nei dawnin chu chu Lok Sabha inthlan hmaa an hmalakna kal zel a ni a. He rally-ah hian general secretaries of CPI(M) Sitaram Yechury, CPI D Raja, CPI(ML) Dipankar Bhattacharya leh All India Forward Bloc G. Devarajan te chuan thusawina an nei ang a. Leftist leader te chuan he meeting neihnaah hian Left agenda tur an pharh bawk ang.
Left rally hi INDIA bloc tena rally neih hmasak ber an tum an thulh hnua neih a ni a. INDIA bloc tena rally an neih theih nana pawimawh ber chu Congress-te niin mahse Congress te hian State panga inthlan tur December 3-a result puanna neih fel hnua chak zawka hmalak an duh chauh tia sawi a ni.
“BJP hneha an awma INDIA in chakna a chan ngei theih nan theih tawp kan chhuah dawn a. BJP tena corporate-communal nexus an neih hi lailan ngei ngai a ni a. Tun public meeting hi electoral exercise satliah mai a ni lo va, mipuite kaihhnawih thil hrang hranga left agenda te pholanna tur a ni,” tiin yechury chuan a sawi.
Media leh opposition tena beihna nasa tak an tawh mek laiin secular-democratic forces te chu an lungrual a ngai tiin Raja chuan a sawi bawk a. Lucknow rally an neih tur chu chumi lam hawia hmalakna hmasa a ni tiin a sawi bawk.
Rally neih nan hian thla hnih kalta vel khan ruahmanna an siam tawh thu a sawi bawk a. Left party pali te chuan platform pakhat an hmang dawn a ni, a ti bawk a.
“Delhi atangin kum 2024 general election a BJP te i paih bo dawn a nih chuan Uttar Pradesh political climate chu a inthlak danglam ngei a ngai. Tun public meeting hmang hian Left chuan nasa zawkin hma a la dawn a ni,” tiin CPI(ML) leader chuan a sawi bawk.
Kumin May thlaa urban local bodies thlanna neihah All-India Forward Blic te chuan chakna changin seat 11 an la a. Party General Secretary G. Devarajan chuan UP chu ‘Hindutva laboratory’ tiin a sawi a. Tun rally hi election thila hloh leh neih belh lam thil pawh a ni lo. RSS te hian UP hi laboratory- ah hmangin chu chu left te chauhin an hmachhawn theih a ni, tiin a sawi bawk.